Gəlin dərdləşək !

O gün (09.04.2016) rejim sahiblərinin möhtəşəm əməliyyatı barədə saytlar və qəzetlərdə heyrətamiz bir məlumat oxudum. Sən demə uzun illərdi “lazım” anası ölmüşü gəlməyə qoymayan AXCP sədri Əli Kərimliymiş. Bu “tükürpədici faktdan” xəbər tutan “iqtidarsevər” gənclər tənbəllik etmədən, böyük bir dəstə və səsgücləndirici ilə özlərini yetiriblər Əli Kərimlinin yaşadığı binanın həndəvərinə, başlayıblar “Qarabağ bizimdir, Bizim olacaq!” şüarını səsləndirməyə. Bu informasiyanın doğruluğuna öncə inanmadım. Lakin az sonra öyrəndim ki, bu analoqu olmayan tragikomik şounun strateqləri 23 ildir ki, ölkəni mövcud duruma, bu günkü vəziyyətə salan rejimin başbilənləridir! Son günlərdə qeyrətli gənclərimizin çox böyük coşqu ilə Şəhidlər Xiyabanından başlayaraq“işğal altında olan doğma torpaqlarımızın hərb yolu ilə son qarışına qədər azad olunması uğrunda” başlanan savaşın müqəddəs qələbəyə kimi davam etdirilməsi tələbi ilə keçirdikləri möhtəşəm,…

davamı burada...

Sərdar ƏLİBƏYLİ KÖNÜL VERDİLƏR ŞƏR VAXTI, ARXAMCA BİR QAÇQIN  BAXDI …   Könül verməzlər şər vaxtı, Arxamca bir qərib baxdı, Qarabağın qara baxtı  Qalmaz belə, qalmaz, dünya! (Bir vaxtlar dəbdə olan şərqilərimizdən)   Yenə də bütün dünyanın diqqəti, başından bəri baxtı qara yazılmış Qarabağa yönəlib. Hər yandan ağlı kəsib-kəsməyənlərin, dəxli olub-olmayanların cürbəcür bəyanatları, problemin həllinə dair fikir və mülahizələri eşidilməkdədi. Sanki illərdi bu problemi özləri yaradıb, özləri də yaranmış problemin üzərində siyasət quranların “canıyananlığını” nə hiss edir, nə də görürük. Hələ üstəlik də ərazimizin bir parçası olan Qarabağın və 7 rayonumuzun külli-ixtiyarını bu siyasət və diplomatiya oyunbazlarının əlinə verərək, çəkilib öz qınımıza girmişik. Və illərdi ki, Azərbaycanın paralanmış, düşmən tapdağı altında qalmış torpaqları və başından bəri qurban verdiyimiz Şəhidlərin ruhları qınımızdan çıxacağımızı…

davamı burada...

Rüstəm Behrudi Əziz və dəyərli dostum. Iblisin mələkdən, baş daşının çiçəkdən gözəl göründüyü, çiçəklərin ləçəklərindən, ağacların yarpaqlarından əvvəl öldüyü tabutların çiçəklədiyi gündü Azərbaycanda. Sevinc qarışıq kədər içindəyəm. Sənin də bu cür olduğun düşüncəsindəyəm. Cəbhədən gələn tabutların kölqəsində qazanılan zəfərin ağrısını yaşayıram. Bunun nə cür bir hiss olduğunu anlatmaq zor. Bu məmləkətdə elə bil lənətlənib hər şey. Elə bil ki, bu məmləkətdə hər şey kölgədən, görüntüdən və lənətdən doğulub. Və ona görə də, bu məmləkətə üz tutub yazdım ki: Get! Get! Sürüdən ayrılmış canavar, Yox ol ey görüntü, Çəkil ey kölgə! Get! Get! Get! Ey sevgiyə bürüdüyüm lənət. Bu halımda elə bilirəm məni anlayacaq tək adam sənsən. Ona görə, yenə də sənə üz tutub yazdım. I Dərdimi sevdiyim, qız, söyləsəm sona…

davamı burada...

Mən bu gün Azərbaycanda ən məzlum, dilsiz-ağızsız peşə sahiblərindən olan vəkillərdən, vəkilliyin vəziyyətindən, vəkilləri və vəkilliyi bu günə salanlardan danışmaq istərdim. Dünyanın inkişaf etmiş bütün dövlətlərində ən seçilən peşələrdən biri vəkillik peşəsidir. Lakin bizdə vəkilliyin indiki durumuna nəzər salanda görürsən ki, bu durum həddən artıq acınacaqlıdır. (Hərçənd bu yazıdan sonra “adlarını vəkil qoymuş” bəziləri öz sədrlərini müdafiə etmək, yaxud özlərini kimnsə “gözünə soxmaq” üçün məni qarşı kompaniyaya başlayacaqlar. Etsinlər, onlardan qorxan-filan yoxdur. Buyurub gəlsinlər. Onu da deyə bilərəm ki, vəkillərin sırasında həddən artıq ləyaqətli, savadlı, prinsipal vəkillər də fəaliyyət göstərirlər. Amma düşdükləri vəziyyət bu cür insanları da sıxır və onlar peşələrindən həzz ala bilmirlər. Mən bu məsələlərlə bağlı istənilən görüşə və debata hazıram.) Bir az yaxın tarixə nəzər salsaq, görərik…

davamı burada...

“OMON” (XTPD – Xüsusi Təyinatlı Polis Dəstəsi) hadisələrindən 21 il ötür. Azərbaycanda hərbi müxalifətin tamamilə sıradan çıxarıldığı və “OMON” rəhbəri Rövşən Cavadovun öldürüldüyü 1995-ci ilin mart hadisələri yaddaşlardan hələ də silinməyib. 21 il öncənin hadisələri ilə bağlı bugünlərdə ən çox gündəmə gələn şəxs o zamanlar Azərbaycan parlamentinin sədri olan Rəsul Quliyevdir. Eks-spikerin ünvanına ciddi ittihamlar var. Hətta onu R.Cavadovun ölümündə günahkar bilirlər. “OMON”-çuların və Cavadov qardaşlarının istefasını tələb etdiyi əsas dövlət məmurlarından biri olması, zaman keçdikcə R.Quliyevə qarşı iddiaların sayının artmasına səbəb olur. Hazırda Amerikada mühacirətdə yaşayan R.Quliyev “OMON” hadisələri ilə bağlı musavat.com-a müsahibə verib.  – Rəsul müəllim, o vaxt dövlətin ikinci şəxsi olaraq 21 il öncənin bu günlərini necə xatırlayırsınız?  – 1993-cü ilin fevralından 1995-ci ilin aprelinə qədər olan…

davamı burada...

Heydər Oğuz mektub@heyderoguz.com  Baş Prokuror Zakir Qaralov əksər beynəlxalq təşkilatlar tərəfindən siyasi dustaq kimi tanınan İntiqam Əliyevin işinə yenidən baxmaq üçün kassasiya protesti verib. Onun fikrincə, İntiqam bəyin cəzası “cinayətindən” xeyli ağır olub. İşə martın 28-də, saat 12-də Ali Məhkəmənin Plenumunda baxılacaq. Ekspertlərin fikrincə, bu kassasiya protesti məhbusun həbsdən azad olunması istiqamətində atılmış bir addımdır. Əslində ictimaiyyət İntiqam Əliyevin həbsdən azad olunmasını bir müddət əvvəl gözləyirdi. Hələ Dünya Azərbaycanlılarının Həmrəylik Günü elan etdiyimiz Yeni il bayramı ərəfəsində ortaya çıxan bu gözləntilər özünü doğrultmadı. Beynəlxalq və yerli ictimaiyyət bundan sonra Novruz Bayramı münasibətilə Prezidentin verəcəyi əfv fərmanına ümid bağlasa belə, İntiqam Əliyevin və onun kimi onlarla siyasi dustağın adı 148 məhbəsə azadlıq əta edən bu humanizm aktına da salınmadı. Ümidlərin tükəndiyi…

davamı burada...

Keçmiş siyasi məhbusdan həbsilə bağlı sensasion müsahibə Sabiq milli təhlükəsizlik naziri Eldar Mahmudovun şərləyərək həbs etdirdiyi keçmiş siyasi məhbus, jurnalist Pərviz Həşimli “Kanal 13″ə müsahibə verib. Pərviz Həşimli müsahibəsində həbsi və MTN-də məruz qaldığı işgəncələr barədə danışıb. Jurnalist bildirib ki, həbsindən xeyli əvvəl xüsusi xidmət orqanları tərəfindən izlənilib. Bu baxımdan da həbs olunacağı onun üçün gözlənilməz olmayıb: ”Həbs olunacağımı gözləyirdim. Hətta həbsimdən bir ay əvvəl ABŞ-ın ölkəmizdəki səfirliyinə məktub yazmışdım. Həmin məktubda xüsusi xidmət orqanları tərəfindən həbs olunacağımı, lakin mənə qarşı hansı ittihamların irəli sürüləcəyindən xəbərsiz olduğumu bildirmişdim. Həbsimdən əvvəl davamlı olaraq izlənilirdim. Həmçinin MTN-nin nəzarətində olan sayt və qəzetlərdə haqqımda böhtan xarakterli materiallar yayımlanırdı. Lakin mən bütün bunları ictimailəşdirməkdə bir qədər gecikdim. Bəlkə də vaxtında ictimailəşdirsəydim hər şey başqa…

davamı burada...

Yanvarın əvvəlindən  bəri Azərbaycanda azı 57 nəfər intihar, yaxud buna cəhd edib. Onlardan 20 nəfəri banka borcu və maddi çətinliklərə görə canına qəsd etdiyini deyib. Azərbaycan mediasında xüsusilə ilin əvvəlindən az qala hər gün kiminsə özünü öldürməsi, intihara cəhdi haqqında məlumatlar yayır. Bakıdakı ekspertlər qurbanların son vaxtlar özlərinə qəsd üçün “Bank borcu”, “Maddi imkansızlıq” səbəblərini daha çox gətirdiklərini deyirlər. Ekspertlər onu da əlavə edirlər ki, Azərbaycanda intiharların rəsmi statistikası aparılmır. Buna görə, intiharların sayında son vaxtlar hiss edilən tendensiyanın gerçək mənzərəsi – artması, yoxsa, azalması haqqında bir söz demək olmur. Medianın monitorinqi əsasında bu il yanvarın 1-dən martın 4-ə qədər Azərbaycanda özünəqəsdləri bir araya toplamışıq. Yaranan mənzərə aşağıdakı kimidir: azadliq.org PAYLAŞ...Facebook0TwitterGoogleVkEmailPrint…

davamı burada...

I hissə  “Qapanmış qulaqlarınızın heç olmasa, birini hərdən insanlar üçün açın” 31 dekabr 2014-cü il, saat 10-11 arası olardı. Xidməti kabinetimdə oturub marşal Jukovun “Xatirələr və düşüncələr”ini oxuyurdum, hərçənd icraatımda kifayət qədər material vardı: bilmirəm, yeni ilin gətirdiyi ab-havadanmı, ya nədənsə, xidməti işlə məşğul olmaq həvəsi lap öləzimişdi. Ruhumun dincəlməyinə ehtiyac yaranmaşdı, bəlkə elə ona görəydi ki, axşama kirayənişini olduğum evin həyətyanı sahəsində bir kabab bişirmək də eşqinə düşmüş, bununçün tədarük də görmüşdüm. Prokuror da adətinə xilaf çıxaraq işə yubanmışdı. Qırmızı qələmi götürüb, oxuduğum kitabın önəmli bir hissəsinin altını cızmaq istərkən prokurordan mobil telefonuma zəng gəldi: – Hardasan, neynirsən? – Cənab prokuror, işdəyəm, Jukovun kitabını oxuyuram, – deyə cavab verdim. – Rüfət, inanmıram ki, səndən düz-əməlli istintaqçı çıxa, əlində tökülüb…

davamı burada...

Heydər Oğuz mektub@heyderoguz.com          Mədəni inteqrasiya Prezident İlham Əliyevin İran səfərindən sonra iki ölkə arasında regional əməkdaşlıq məsələsi yenidən gündəmə gəlib. Bu zamana qədər yürütdüyü xarici siyasətdə əsasən İrana məsafəli yanaşan ölkəmizin siyasi iradəsi iki dövlət arasında yaranacağı güman olunan mədəni-mənəvi əlaqələrdən çəkinirdi. Əksər siyasi dairələrin Qərbyönümlü oriyentasiyamızın dəyişiləcəyindən çəkinməsi əslində başadüşüləndir də.  İran ətraf ölkələrə öz siyasi fəlsəfəsini ixrac edən bir dövlət kimi, təbii ki, Azərbaycanla əlaqədə bu fürsətindən yararlanamağa çalışacaq. Zatən, İrandan daha fərqli nəsə gözləməyin özü belə, realizmdən uzaqdır. Bununla belə, ikitərəfli inteqrasiya düşündüyümüz qədər təhlükəli də deyil. Biz öz xarici siyasətimizi düzgün qurarsaq, İrandan aldığımız  qədər, ona da xeyli mənəvi-mədəni dəyərlər hədiyyə edə bilərik. Prinsipcə, ikitərəfli inteqrasiyanın mütləq nəticələri məhz bu cür olur: təkcə nəsə almırsan, həm…

davamı burada...

Milli Şura sədri Cəmil Həsənli hakimiyyətin böhrandan çıxmaqla bağlı imitasiya etməsi və hökumət nümayəndələrinin absurd açıqlamalar verməsi barədə feysbuk səhifəsində yazı paylaşıb. Yazını təqdim edirik. Hökumət rəsmilərinin açıqlamalarından belə məlum olur ki, böhran arxada qalıb. Amma hər nə qədər optimist olsalar da, böhran bildiyini edir. Ötən həftə ərzində nazir və digər vəzifəli şəxslərin bölgələrə ezam olunması ölkənin həyatında nəyisə dəyişmədi. Əslində, dəyişə də bilməzdi. Çünki aparılan söhbətlərdən məlum oldu ki, bütün bunlar Məlikməmməd nağılı kimi bir şeydir. Bir xəstəliyi müalicə etmək üçün ilk növbədə xəstəni müayinədən keçirib bütün mənzərəni aydınlaşdırmaq və düzgün müalicə kursu müəyyən etmək gərəkdir. Bizdə isə bunu etmək əvəzinə, ölkənin sosial-iqtisadi, pul-kredit, əhalinin məşğulluğu ilə bağlı acınacaqlı mənzərəni heç kəs etiraf etmək istəmir. Nə qədər ki, ölkənin…

davamı burada...

Hörmətli cənab Ş.Əliyev!       Bu məktubu səbrlə axıradək diqqətlə oxuyub düzgün nəticə çıxarmağınızı məsləhət bilirəm. Etiraf etməliyəm ki, indiyədək Sizi mövcud kleptokratik hakimiyyətdə yer alan çox azsaylı vicdanlı, yüksək ixtisaslı məmurlardan  biri kimi qəbul etdiyimə görə Sizə həmişə qəlbən hörmət bəsləmişəm. Ona görə də keçən uzun illər ərzində bir neçə dəfə aidiyyəti üzrə bəzi məsələlərin ədalətli həllinə yardımçı olmağınız üçün Sizə müraciət etməli olmuşam. Ancaq və lakin…Sizdən heç bir cavab almamışam. Təsadüfən, yəqin ki, Allahın lütfi olaraq ”Kaspi” qəzetinin 13 noyabr 2015-ci il tarixli sayında ANS TV-də 2011-ci ilin oktyabrında çəkilən və bu il noyabrın 12-də yenidən efirə çıxarılan bir verilişdə mənim dövlət müstəqilliyi haqqında Konstitusiya Aktının qəbulu ilə bağlı səsləndirdiyim fikirlər barəsində Sizin xidməti otağınızda jurnalistə verdiyiniz müsahibənizi oxuduqdan sonra…

davamı burada...

Azərbaycan Respublikasının Konstitusiya Məhkəməsinə                                                        Milli Məclisin sabiq deputatı Əzimov Hacıbaba Sadıq oğlu                                         (qeydiyyat: Bakı, Nəsimi r-nu, Ə.Topçubaşov küç., ev 62, mən.11.                                         Müvəqqəti ünvan: Bakı, Yasamal r-nu, M.Seyidov, 3138, korpus A,                                         mən. 45. Tel: 050 750 88 83; 437 79 59 ev) tərəfindən                     Azərbaycan Respublikası Konstitusiyasının 130-cu maddəsinin V hissəsinin                     və “Azərbaycan Respublikasının Konstitusiya Məhkəməsi haqqında”                     Qanunun 34-cü maddəsinin normalarını əsas tutaraq                            Azərbaycan Respublikası Ali Məhkəməsinin İnzibati-İqtisadi Kollegiyasının                              2-1(102)-951/2014 saylı, 20 avqust 2014-cü il tarixli qərarı ilə Azərbaycan                               Respublikası Konstitusiyasının 13, 25, 29, 38, 60, 71, 127 və 149-cu                              maddələrində, “Azərbaycan Respublikasının Milli Məclisi haqqında”                             Konstitusiya Qanununda və “Əmək pensiyaları haqqında” Qanunun 20-ci                            maddəsində təsbit olunmuş   Konstitusion hüquq və mənafeyinin pozulmasına dair                                                            Ş İ K A Y Ə T Şikayətin qəbuledilənlik…

davamı burada...

`Kral  musiqi salonlarının əfsanəvi maestrosu, `Yeni Mosart` adını almış Cənab Ferens List ötən ildən musiqi maarifçiliyi missiyası ilə Avropa ölkələrinə qalstrola çıxmışdır. O, Rusiyada olacaq, Cənubi Qafqaza – Helenendorfa da gedəcək`. Bu xəbəri 1840-cı ildə  `Stuttgarter Zeitung` qəzeti yaymışdı. Qəzetə abunə olan Gəncəbasar və Borçalı almanları xəbərdən həyəcanlanmış, bəziləri gözlərinə, bəziləri qulaqlarına inanmamışdı. Helenendorfda Listin simfonik poemalarını Almaniyadan gələn musiqi müəllimlərinin ifasında dinləmiş, lakin əfsanəni öz gözləri ilə görəcəklərini ağıllarına belə gətirməmişdilər. Maestronun səfərinə Helenendorf məktəbinin təsisçisi və müəllimi Yakob Kraus rəhbərlik edirdi. Qəsəbənin son seçilmiş şultsu Xristofor Forer yüksək qonağın bir həftəlik ağırlanması üçün zəngin proqram tərtib edib Krausa təqdim etmişdi. O, proqrama köhnə dostu, Alabaşlı kəndinin mülkədarı Mustafa bəyin evində qonaq olacaqları günün tarixini belə yazmışdı. Həmin gün…

davamı burada...

“ALLAH 6236 SMS GÖNDƏRİB” Tanınmış ilahiyyatçı Elşad Mirinin AzNews.az-a müsahibəsi: – Elşad bəy, AzNews.az-da Vasim Məmmədəliyevin müsahibəsini oxudunuzmu? – Əlbəttə, oxumuşam. – Müsahibə birmənalı qarşılanmadı, kimisi mənim suallarımı tənqid edir, kimisi hörmətli akademikin cavablarını… –Vasim müəllimə verdiyiniz suallar həqiqətən günümüzün aktual məsələləridir. Doğrudan da o suallara aydınlıq gətirilməlidir. İstədiyim sualları gördüm, amma əfsuslar olsun ki, istədiyim cavabları görmədim. Vasim Məmmədəliyev mənim müəllimim olub, ona böyük hörmətim var. Çox istərdim ki, o, sizin suallarınıza konkret olaraq Quranla cavab verəydi. Ancaq müsahibə insanlarda daha çox suallar yaratdı. Buna görə müsahibəni oxuyub həm sevindim, həm də təəssüfləndim. – Vasim müəllimdən nə gözləyirdiniz ki? – Onun bir Quran tərcüməçisi kimi konkret ayələrə istinad etməsini gözləyirdim. Hətta Tövratdan, İncildən misallar gətirə bilərdi. Dünyəvi elmlərlə sintez…

davamı burada...