
Sərdar ƏLİBƏYLİ
AZƏR HƏSRƏT-BƏXTİYAR HACIYEV DEBATINA SÖZARDI
Azər Həsrətlə Bəxtiyar Hacıyevin arasında, “Yeni Müsavat”ın moderatorluğu ilə çəkilmiş debata baxdım, yadıma bilirsinizmi nə düşdü? Açığı Azər Həsrətin xətrini çox istiyirəm, özü də bunu bilir və indi deyəcəyim fikrin də ona qətiyyən dəxli yoxdu. Amma bunu demək zorundayam və insanlar, bütün hallarda, uşaqdan- böyüyə, bütün ölkə əhalisinin bildiyi həqiqətlərdən belə israrlı şəkildə, inkarçı formada danışa bilməyi özlərinə rəva görməməlidirlər. Çünki istənilən halda, ictimai rəy dəyişmir,
Sabirin sözü olmasın, günəşi göydə necə danmaq olar axı?!. Sözün düzü, hələ də özüm üçün aydınlaşdıra bilməmişəm ki, Azər Həsrəti bu proseslərə belə israrlı şəkildə qoşan motivlərin arxasında, cəlb edən gücün əlində nə var. Mən burada ad çəkmək istəmirəm, zatən kimin kim olduğunu bütün ölkə bilir, ancaq birilərinin, lap elə ATƏT-in müşahidə missiyasının hesabat konfransında yaxalarını yırtanlarn bunu nəyin müqabilində etdikləri bəllidir. Ancaq Azər Həsrət, özünün də dediyi kimi, bu oyunların içərisində olmaqla
milyonlara sahib olmayub, reketçiliklə məşğul deyil, villaları yoxdu, bahalı maşın belə almayıb. O zaman, soruşmaq ayıb olmasın da, “Rüstəm bəy Məşədi İbadın nəyinə və harasına aşiq olub” ki, bu oyunların ortasında oynamaqla özünü cəmiyyətin içində bu qədər gözdən və hörmətdən salır?…
Hə, onu deyirdim axı, ki, bu debata baxanda yadıma bir şey düşdü. Deməli, hardasa iki il bundan əvvəl olardı, Fb-də balaca
bir status yazmışdım. Bax o statusu xatırladım. Təxminən belə yazmışdım ki, günlərin birində qismət ola, YAP-ın öndəgedən funksoiner dilmancları ilə AzTv-nin canlı efirində debata çıxam və veriliş boyu susaraq onları dinləyəndən sonra, sonda bircə cümlə ilə “Siz nə həyasız adamlarsınız əəəəə” – deyəm və debat bitə. Təbii ki o qisməti mənə vermədilər, verməzlər də. Olsun…
Ancaq yenə də ora gəlirəm ki, axı Azər Həsrəti bu oyunlara hansı motivlər qatır ki, o, gün kimi aydın olan məsələlərdən niyə və necə belə rahatlıqla danışa bilir. Düzdür, onun tez-tez dövlətçiliklə, vətənpərvərliklə bağlı dediklərini və özünün bütün hərəkətlərini də, danışıqlarını da bu yolla arqumentləşdirməsini mən də görürəm və duyuram. Ancaq heç kimin, nə dövlətçiliyin, nə də vətənpərvərliyin arxasınnda
gizlənərək bilə-bilə yalan daşımaq, ağa qara demək, total saxtakarlığı, az qala yeganə çıxış yolu kimi təqdim etmək müəklləfliyi yoxdur və normalda Azər də bunu etməyə borclu deyil. Amma adam bunu edir, həm də sanki özü də inanıbmış kimi…
Nə vaxtsa aqil adamlardan biri deyib ki, vətənpərvərlik əclafların son sığınacaq yeridir və bu mənada mən, indu ortalıqda meydan sulayan lotuların çoxuna haqq da qazandıra bilirəm. Çünki adamlar adicə və sadəcə əclafdırlar və ona görə də vətənpərvərlik adına vətənşüvənlik etməkdən savayı yolları da yoxdur. (Bu mənzərə daha çox lotuluqla yekəbaşlığın qarışıq salınmasına bənzəyir. – S.Ə.) Amma, Azər Həsrətin, yenə də öz dediklərinə inansaq, onlarla bir komandada oynaması başa düşülən deyil, heç deyil. O zaman yenə də söhbət Rüstəm bəylə Məşədi İbad izdivacının üzərinə gəlir, adam bunların harasına və nəyinə aşiq olub?!
Umarım və dilərim ki, bu suala Azər Həsrətin özü, bir zəhmət, aydınlıq gətərər, ancaq sözügedən debatın içliyinə müdaxil olmadan, üzərinə deyinəcəyim bir kaç məsələ var. Əslində Bəxtiyar Hacyevin gətirdiyi dəmir, ya da Azərin özünün təbirincə “divar” kimi arqumentlər və dəlil olaraq ortaya qoyduğu statistik rəqəmlər olmadan belə, 11 aprel günündə keçirilmiş tədbirin seçki ilə heç bir əlaqəsi olmadığını hər kəs bilir, elə Azər Həsrətin özü də. Bu mənada, Bəxtiyarın o fikri ilə də tam razıyam
ki, əslində ATƏT nümayəndələrinin o tədbiri “seçki” adlandırmalarının özü, YAP hakimiyyətinə onlar tərəfindən edilmiş ən böyük yaxşılıq, göydən düşmə arqument idi. Bu arada mən daha dərinlərə varıb qəliz şeylərdən danışmayacam, buna hacət də yoxdur. Amma Azər Həsrət çox rahatlqla deyir ki, hətta Bəxtiyarın gətirdiyi rəqəmlər və statistik göstəricilər həqiqət olsa belə, seçkinin ümumi nəticələrinə təsir gücündə deyillər. Tamam, tutaq ki, elə həqiqətən də bu belədir, olsun. Ancaq istər bu seçki, istərsə də bundan əvvəkli bütün təyinatlı seçkilər zamanı törədilmiş qanun pozuntularının əlavə heç bir sübuta ehtiyacı olmayan yüzlərlə videogörüntüləri var internetdə. Seçkini nəticələrinə
təsir edib-etməməsindən asılı olmayaraq, bu qanunsuzluqlar, saxtakarlıqlar, səs oğurluqları üzündən, barəsində qanun çərçivəsində ölçülər götürülmüş tək bircə adam, komissiya sədri və ya üzvü yoxdur. Amma tutaq ki, acından ölməmək üçün mağazadan çörək və ya kolbasa oğurlamış yüzlərlə insanlar var ki, məhz kamera görüntüləri əsasnda həbs olunublar. Azər Həsrət də deyir ki, nə olsun səslər oğurlanıb, nə olsun saxtakarlıq olub, bunun seçkinin ümumi nəticələrinə təsiri yoxdur. Bu məntiqlə gərək o adamlar da elədikləri oğurluğa görə həbs olunmayaydılar, çünki nə vitrindəki çörəyin və ya kolbasanın ümumi çəkisinə, nə də həmin obyektin ticari dövriyyəsinə elə bir ciddi təsiri yoxuydu o oğurluğun. Və ya, elə bu məntiqlə yanaşsaq adam öldürənlər də cəza almasın gərək, bir-iki adamın ölümü ölkə əhalisinin sayına nə qədər təsir edə bilər ki? Hələ mən orasını demirəm ki, həmin səs oğrularının içərisindən çeşidli təltif siyahılarına düşənlər də, günü bu gün də həmin komissiyalarda çalışanlar da var. Proseslərin bu boyutlarda davam etməsi isə bircə məsələni sübut edir, səs oğruları da, saxtakarlıq edənlər də bu cinayətlərinə görə məsuliyyətdən yayına, ya da yayındırıla biləcəklərinə əvvəlcədən təminat alıblar, ya da onlara bu zəmanəti verənlər olub. Hə, Azər Həsrət, Səncə, bu cür təminatları kimdən almaq olar, yaxud da belə zəmanətləri kimlər verə bilər?! Dediyim kimi, daha dərinlərə varmaq, camaatın
da vaxtını almaq istəmirəm. Bununla belə, yenə o sualın üzərinə gəlirəm ki, hansı motivlərdi səni buralara gətirən, sakın dövlətdən və Vətəndən, dövlətçilikdən və vətənpərvərlikdan daha heç nə demə, çünki mən, hər şeyə rəğmən Səni o məfhumları son sığınacaq yeri bilən əclaflardan biri kimi tanımaq və görmək istəmirəm. Sakın haaa…. Zira dediyim kimi, lotuluqla yekəbaşlq, vətənpərvərliklə də vətənşüvənlik fərqli şeylərdi. Nə vətənpərvərlik, nə də dövlətçilik anlayış olaraq, adı nə olsa da, faizlərin azlığına və ya çoxluğuna baxmayaraq, cinayətə bəraət qazadnırmaq üçün səbəb də deyil, vasitə də. Qəti əlaqəsi yoxdur!!!
AZƏR HƏSRƏTİN NAMİZƏD OLDUĞU DAİRƏDİ BURASI !!!
Bəxtiyar Hacıyevə israrla MSK-ya müraciət edib rəsmi cavab alandan sonra danşmağı məsləhət bilən Azər Həsrətin özü, 13 ildi ki burda görünənlərlə bağlı müraciətinin cavabnı hələ də cəmiyyətə açıqlamayıb.
raət qazadnırmaq üçün səbəb də deyil, vasitə də. Qəti əlaqəsi yoxdur!!!
AZƏR HƏSRƏTİN NAMİZƏD OLDUĞU DAİRƏDİ BURASI !!!
Bəxtiyar Hacıyevə israrla MSK-ya müraciət edib rəsmi cavab alandan sonra danşmağı məsləhət bilən Azər Həsrətin özü, 13 ildi ki burda görünənlərlə bağlı müraciətinin cavabnı hələ də cəmiyyətə açıqlamayıb.
———————————————————————————————
P.S.
BU DA DEBATN ÖZÜ, MARAQLANANLAR BAXSIN
Azər Həsrət və Bəxtiyar Hacıyev "Yeni Müsavat"ın canlı yayımının qonağı oldu
117 dəfə ümumi oxunub, 117 dəfəsi bu günə aiddir.
Aşağıdakı boşluğa yazın